Question Summary:
Urdu Question

Question Detail:

Q. 1 :  durud e ibrahimi ka hindi me tarjuma bataye .
Q. 2 :  Umer Bhar ki Qaza Namaz Padhne Ka Sahi Tarika Our Neeyat karne ka tarika yani ki jaise main sabse pahle qaza hui namaz padh li to ab us se baad ki namaz our phir us se baad ki namaz ki neeyat kya hogi . 
Q 3 :  namaz ke doran dimag me was wase aate he unse bachne ke liye kya namaz me hi ( la ho la wala ...) padh sakte he ya nahi 

Answer :

Answer:
In the Name of Allah, the Most Gracious, the Most Merciful.
As-salāmu ‘alaykum wa-rahmatullāhi wa-barakātuh.
1.      Durude Ibrahim Kaa Tarjumah Zail Main Mazkur Hai.
 
“Ay Allah! Rahmate Khaassah Naazil Farmaa Muhammad (Sallallahu Alaihi Wa Sallam) Par Aur Muhammad (Sallallahu Alaihi Wa Sallam) Ke Khaandaan Par, Jis Tarah Aap Ne Rahmate Khaasah Naazil Farmaee Ebrahim (Alaihissalam) Par Aur Ebrahim (Alaihissalam) Ke Khaandaan Par, Aur Barkat Farmaa Muhammad (Sallallahu Alaihi Wa Sallam) Par Aur Muhammad (Sallallahu Alaihi Wa Sallam) Ke Khaandaan Par Jis Tarah Aap Ne Barkat Farmaee Ebrahim (Alaihissalam) Par Aur Ebrahim (Alaihissalam) Ke Khaandaan Par. Baishak Aap Hee Tareef Ke Laaiq Hain Aur Buzurg Hasti Hai.”
 
2.      Jo Tareeqah Suwaal Main Mazkur Hay, Woh Sahee Tareeqah Hay. [1]
 
3.      Namaaz main (Laa Hola Wa Laa Quwwata…) Nahee Padhnaa Chaahiye.[2]  Aap Namaaz Main Qiraat Karte Waqt, Quran Ke Alfaaz Par Ghor Karte Rahain. Is Se Namaaz Main Tawajuh Rahaigi. Namaaz Ke Baahir, Ziyaada Se Ziyaada Allah Kaa Zikr Karain.  Is Se Namaaz Main Dihaan Baaqi Rahaiga.   
 
And Allah Ta’āla Knows Best
Mawlana Abdul Azīm bin Abdur Rahman,
Student Darul Iftaa
U.S.A.
Checked and Approved by,
Mufti Ebrahim Desai.